O informe La lectura en España 2017, do que publicamos unha referencia na columna esquerda, alerta dalgunhas cifras preocupantes. Por exemplo, que arredor dun 40% de cidadáns non leu ningún libro no ano 2015. Perante esta situación, o Goberno parece que prevé actuar con un Plan Nacional de Fomento da Lectura.
Hai argumentos científicos para fomentar a lectura? Pois si: a lectura é un dos mellores exercicios posibles para manter en forma o cerebro e as capacidades mentais. E é así porque a actividade de ler esixe poñer en xogo un importante número de procesos mentais, entre os que destacan a percepción, a memoria e o razoamento. Cando lemos activamos preferentemente o hemisferio esquerdo do cerebro, que é o da linguaxe [...], pero son moitas máis as áreas cerebrais de ambolos dous hemisferios as que se activan e interveñen no proceso. Decodificar as letras, as palabras e as frases e convertilas en sons mentais require activar amplas zonas da cortiza cerebral.
Ningún comentario:
Publicar un comentario